الطماطم رخصت جدا؟.. اتعلمي إزاي تخزنيها في البيت وتوفري فلوسك لفترة طويلة!

مع انخفاض أسعار الطماطم في الفترة الأخيرة، بدأ الكثير من الناس بالتفكير في تخزينها للاستفادة منها في وقت لاحق، خاصة أنها من المكونات الأساسية في المطبخ لذلك، ننصح كل ربة منزل بتخزين الطماطم سواء كانت طازجة أو صلصة بطريقة صحيحة، لضمان استخدامها لفترة طويلة دون أن تتعرض للتلف.

طريقة تخزين الطماطم الطازجة

لو حابة تخزني الطماطم وهي سليمة، اتبعي الخطوات دي:

1. تنظيف الطماطم: امسحي الطماطم بقطعة قماش نظيفة أو منديل ورقي للتخلص من أي تراب أو أوساخ عليها.
2. الترتيب الصحيح: رصي الطماطم في طبق أو صينية بحيث تكون مقلوبة (الجزء العلوي للأسفل)، وتأكدي إنك تبعديها عن أي فواكه أو خضار في الثلاجة.
3. اختيار النوع المناسب: ركزي على الطماطم الحمراء الناضجة وخلي بالك تبتعدي عن الخضراء لأنها مش مناسبة للتخزين.

طريقة تخزين صلصة الطماطم

تخزين صلصة الطماطم فكرة عملية جدا، خاصة لو بتستخدميها كتير في الأكلات، الطريقة بسيطة جدا:

1. غسل الطماطم: شيلي العنق الأخضر واغسلي الطماطم كويس بالمية والخل.
2. التقطيع: قطعي الطماطم إلى أرباع، عشان تسهل عليك عند الطهي.
3. الغليان: ضعي الطماطم في حلة على النار وسيبيها تغلي لحد ما تنزل كل عصارتها.
4. التبريد والخلط: بعد ما ترفع الطماطم من النار، سيبيها تبرد وبعدين اضربيها في الخلاط أو استخدمي الهاند بلندر.
5. التصفية: صفي الخليط عشان تتخلصي من البذور والقشور، وبعدين ارجعيه على النار وأضيفي ملعقة صغيرة سكر عشان تحافظي عليها أطول وقت.
6. التخزين: بعد ما تبرد، وزعي الصلصة في أكياس أو علب بلاستيك، وحطيها في الفريزر.

نصائح مهمة

• إضافة السكر أثناء تحضير الصلصة بيساعد على تقليل الحموضة وحفظها لفترة أطول.
• الطماطم ما ينفعش تتخزن جنب فواكه زي الموز أو التفاح عشان ده بيخليها تفسد أسرع.

بخطوات بسيطة جدا، تقدر كل ربة منزل تخزن الطماطم في البيت سواء كانت طازجة أو صلصة، وده هيخليها متوفرة طول السنة، وكمان هيوفر عليك وقت ومجهود لما تكوني مستعجلة في الطبخ.

نعمة عامر

اسمي نعمه كاتبة مقالات شغوفة بعالم الكتابة وصناعة المحتوى، أكتب في موقع أون نيوز onnews.in الإخباري، أعمل على تقديم مقالات ذات محتوى ثري وجذاب، وأسعى دائما لتطوير مهاراتي في هذا المجال، أحب استكشاف المواضيع الجديدة التي تثير فضول القارئ وتلبي اهتماماته.

الموقع الالكترونيفيسبوك