പിയു ചിത്ര ഇന്ത്യയുടെ ലോക ചാമ്പ്യന്‍ഷിപ്പ് ടീമില്‍

0

ദോഹയില്‍ സെപ്റ്റംബര്‍ 27ന് ആരംഭിക്കുന്ന ലോക അത്‌ലറ്റിക്‌സ് ചാമ്പ്യന്‍ഷിപ്പിനുള്ള 25 അംഗ ഇന്ത്യന്‍ ടീമിനെ പ്രഖ്യാപിച്ചു. കഴിഞ്ഞ തവണ ഒഴിവാക്കപ്പെട്ട മലയാളിതാരം പിയു ചിത്ര ടീമില്‍ ഇടംപിടിച്ചു. അത്‌ലറ്റിക്‌സ് ഫെഡറേഷന്‍ ഓഫ് ഇന്ത്യ ട്വിറ്ററിലൂടെയാണ് ടീം പ്രഖ്യാപനം സ്ഥിരീകരിച്ചത്.

നിലവിലെ 1500 മീറ്റര്‍ ഏഷ്യന്‍ ചാമ്പ്യനാണ് 24 വയസ്സുകാരിയായ പിയു ചിത്ര. പുരുഷന്മാരുടെ 1500 മീറ്ററില്‍ മലയാളിതാരം ജിന്‍സണ്‍ ജോണ്‍സനും ചാമ്പ്യന്‍ഷിപ്പില്‍ പങ്കെടുക്കും.

400 മീറ്റര്‍ ഹര്‍ഡില്‍സില്‍ എംപി ജാബിര്‍, 3000 മീറ്റര്‍ സ്റ്റീപ്പിള്‍ചേസില്‍ അവിനാഷ് സാബ്‌ളെ, 20 കിലോമീറ്റര്‍ നടത്തത്തില്‍ കെറ്റി ഇര്‍ഫാന്‍, ദേവേന്ദര്‍ സിങ്, മാരത്തണില്‍ ടി ഗോപി, ലോങ് ജംപില്‍ എം ശ്രീശങ്കര്‍, ഷോട്ട്പുട്ടില്‍ തജീന്ദര്‍ പാല്‍ സിങ് ടൂര്‍, ജാവലിനില്‍ ശിവ്പാല്‍ സിങ്, 4ഃ400ാ റിലേ, മിക്‌സഡ് റിലേയില്‍ മുഹമ്മദ് അനസ്, നിര്‍മ്മല്‍ നോ-അ ടോം, അലക്‌സ് ആന്റണി, അമോജ് ജേക്കബ്, കെഎസ് ജീവന്‍, ധരുണ്‍ അയ്യാസ്വാമി. ഹര്‍ഷ് കുമാര്‍ എന്നിവരാണ് മത്സരിക്കുന്ന പുരുഷ താരങ്ങള്‍.

പിയു ചിത്ര, ജാവലിനില്‍ അന്നു റാണി, ഓട്ടത്തില്‍ ഹിമാദാസ്, വിസ്മയ വികെ, പൂവമ്മ എംആര്‍, ജിസ്‌ന മാത്യു, രേവതി വി, സുഭ വെങ്കടേശന്‍, വിദ്യ ആര്‍ എന്നിവരാണ് മത്സരിക്കുന്ന വനിത താരങ്ങള്‍

ഒക്ടോബര്‍ ആറ് വരെയാണ് ദോഹയില്‍ ഐഎഎഎഫ് ലോക ചാമ്പ്യന്‍ഷിപ്പ് നടക്കുന്നത്.

- Advertisement -